بلخ ولایت کې ۱۱۶۳ جریبه ځمکه امارتي تثبیت شوه
د بلخ ولایت د ځمکې د غصب د مخنیوی د تخنیکي هیئت ناسته ددغه هیئت د رئیس او غړو په حضور سره جوړه شوه او هم په یاد ولایت کې له ځینو ساحو څخه لیدنه وشوه.
په یاده ناسته کې، د کرنې څيړنیز فارم د ساحې د بررسۍ په برخه کې د هیئت ستونزې بیان شوې او د کرنې او ښاروالۍ ادارو ته استعلام ورکړل شوو ترڅو معلومات وړاندې کړي. له استیناف محکمې څخه د رسیدل شوې دوسیو په اړه هم بحث وشو او لازم تصمیمونه ونیول شوو.
په دغې ناسته کې، د یو شخص وکیل هم غونډې ته حاضر شو او هغه ته د دشت شور ساحې د ۳۰۰ جریبه ځمکې په اړه معلوماتي استعلام ورکړل شو او له نوموړي څخه د زمیندارۍ د قبالو اصل وغوښتل شو. د ترکمن علي خاني پروژې وکیل هم دغې ناستې ته حاضر شو او نوموړي ته استعلام ورکړل شو.
یاد شوي هیئت د مزار شریف د آبدي کوتل په جنوب کې د بې ځایه شویو پروژې ته ولاړ او ددغې پروژې ۱۱۶۳ جریبه ځمکه چې د کادستر ۳۴ قطعه کې شامله ده، د رسنیو په حضور کې امارتي تثبیت کړه. ددغې پروژې سندونه وړاندې د هیئت لخوا بررسي شوي وو.
یاده شوې ځمکه د ۱۳۵۳ کال له سندونو سره سم د امارت ملکیت دی او هیئت جوړې شوې څلور دیوالۍ پکې ویجاړې کړې او دغه ځمکه یې د کرنې ریاست ته وسپارله.
