بغلان ولایت کې کابو ۱۹۶ زره جریبه عامه مرعی ځمکه تثبیت شوه
د ځمکې د غصب د مخنیوي په برخه کې د اقداماتو په لړۍ کې، د بغلان ولایت د ځمکې د غصب د مخنیوي تخنیکي هیئت ددغه ولایت مرکزي بغلان ولسوالۍ ته ولاړ ا و ۱۹۶ زره جریبه عامه مرعی ځمکه یې تثبیت کړه.
هیئت د مرکزي بغلان ولسوالۍ بایسقال ساحې ته ولاړ او ځايي اوسیدونکو ته د عامه مرعی ځمکې د ارزښت په اړه معلومات وړاندې کړل او د هېواد د اقتصاد په ودې کې يې د هغې رول بیان کړ.
هیئت د عامه مرعی او کرنیزې ځمکې په تفکیک سره ساحه مساحت کړه چې ۱۹۶ زره جریبه ځمکه شوه. د یادې ځمکې ۲۰ زره جریبه ځمکه د اوسیدونکو قومونو تر کښت او کرنې لاندې قرار لري.
هیئت د یادې شوې ۲۰ زره جریبه ځمکې له متصرفینو څخه سندونه وغوښتل ترڅو بررسۍ لاندې ونیول شي.
