د زابل او پکتیکا ولایتونو د تخنیکي هیئتونو ناستې جوړې شوې
د زابل او پکتیکا ولایتونو د تخنیکي هیئتونو ناستې ددغه هیئتونو د رییسانو او غړو په حضور سره جوړې شوې او د یو لړ مهمو موضوعاتو په اړه پکې بحث وشو او لازم تصمیمونه ونیول شوو.
د زابل ولایت د تخنیکي هیئت په ناسته کې د قلات ښاروالۍ اړوندو ځمکو په اړه چې اشخاص پرې د مالکیت ادعا لري او ځینو نورو موضوعاتو په اړه بحث وشو.
دغه راز یاده ناسته کې د ترانسپورت د آمریت د ځمکو او د خاک افغان ولسوالۍ د بازار د موضوع په اړه جلا هیئتونو تعیین شوو.
د پکتیکا ولایت د تخنیکي هیئت په ناسته کې د یو لړ مهمو موضوعاتو په اړه بحث وشو او لازم تصمیمونه ونیول شوو.
هیئت له ناستې څخه وروسته د قومونو له مشرانو سره وکتل او له هغوی څخه یې شرعي سندونه وغوښتل. دغه راز هیئت هغوی ته استعلام وویش ترڅو خپل معلومات له هیئت سره شریک کړي. قومي مشرانو د تخنیکي هیئت کارونه وستایل او د همکارۍ ژمنه یې وکړه.
