عدليې وزارت کې د تشو بستونو رقابتي آزموینه جوړه شوه
د اسلامي امارت د عدليې وزارت د بشري سرچینو ریاست د شفافیت د رعایتولو او کار اهل کار ته د سپارلو په منظور ددغه وزارت د تشو بستونو رقابتي آزموینه جوړه کړه.
دغه آزموینه دجمادي الثاني میاشت په ۱۰ نېټه د سه شنبې په ورځ د مالي او اداري معین مولوي عبدالغني فایق، د داخلي پلټنې رییس، د بشري سرچینو رییس او د عدليې وزارت د نورو مسوولینو په حضور ددغه وزارت په مقر کې جوړه شوه.
دغې آزموینه کې ۱۷۰ تنو غوښتونکو ګډون کړی وو او ددغه وزارت ۲۰ تشو بستونو کې خپلو کې رقابت وکړ. یاد بستونو کې دریم، څلورم او پنځم رتبه اداري او مسلکي بستونه شامل دي.
ټاکل شوې ده، غوښتونکي د هغوی د تخصص او تحصیلي څانګو پر اساس دغو بستونو کې وګمارل شي.
