د کار او ټولنیزو چارو د وزارت له معین سره د عدليې وزارت د تقنین لوی رییس کتنه
د عدلیې وزارت د تقنین لوی رییس مفتي فضل هادي صاحب زاده د جمادي الثاني میاشت په ۳ نېټه د سه شنبې په ورځ د کار او ټولنیزو چارو وزارت د کار د چارو له معین مولوي مخدوم عبدالسلام سعادت سره د عدليې وزارت په مقر کې وکتل او خبرې یې وکړې.
دغې لیدنه کې، دواړو لورو د کار او ټولنیزو چارو وزارت اړوند د کار قانون او نورو تقنیني سندونو په اړه بحث او خبرې وکړې.
د کار او ټولنیزو چارو وزارت معین ددغه وزارت د کار قانون او نورو تقنیني سندونو جوړولو کې د همکارۍ په منظور د عدليې وزارت د تقنین لوی ریاست ته یو څلور کسیز مسلکي ټیم معرفي کړ او له عدليې وزارت څخه یې د یاد وزارت د تقنینی سندونو د جوړولو برخه کې د همکارۍ غوښتنه وکړه.
دغې ناسته کې د عدليې وزارت د تقنین لوی رییس د کار او ټولنیزو چارو وزارت له معین سره د همکارۍ ژمنه وکړه او ژمنه یې وکړه چې دغه ریاست به هم د کار او ټولنیزو چارو وزارت د تقنیني سندونو چمتو کولو برخه کې د همکارۍ په منظور یو مسلکي ټیم تعیین کړي.
