د بلخ ولایت د استیناف محکې له رییس سره ددغه ولایت د عدلیې رییس کتنه
د بلخ ولایت د عدلیې رییس مولوي امرالله مصلح د جمادي الاول میاشت په ۲۸ نېټه د پنجشنبې په ورځ ددغه ولایت د استیناف محکمې له رییس مولوي محمد یوسف ابوالوفاء سره د عدليې ریاست په مقر کې وکتل او خبرې وکړې.
دغه کتنه د دواړو ادارو ترمنځ د لا زیاتې همکارۍ او همغږۍ په موخه ترسره شوه او پکې د عدليې رییس ددغه ریاست د کړنو او اجراآتو او دواړو ریاستونو ترمنځ د ګډو موضوعاتو په اړه، د استیناف محکمې له رییس سره بحث اوخبرې وکړې.
په دغې کتنه کې، د عدليې رییس د دواړو ریاستونو ترمنځ لا زیاته همغږي او همکاري د چارو ښه والي او د حقوقي پریکړو تطبیق او د روڼتیا رعایتولو برخه کې اغیزمنې یادې کړې او دواړو ریاستونو ترمنځ د ګډو موضوعاتو رسیده ګۍ او د مراجعینو ستونزو ته د رسیده ګۍ برخه کې، همغږي مهمه وګڼله.
په دغې لیدنه کې، دواړو لور د دواړو ریاستونو ترمنځ پر لا زیاتې همغږۍ او همکارۍ ټینګار وکړ او یو بل ته يې د مراجعینو حقوقي پریکړو او د اسلامي امارت د فرمانونو او حکمونو تطبیق برخه کې د بشپړې روڼتیا په پام کې نیولو سره د هر اړخیزې همکارۍ ډاډ ورکړ.
