د عدليې وزارت د مرکزي رییسانو د اداري ناستې جوړیدل
د اسلامي امارت د عدليې وزارت د مرکزي رییسانو اداري ناسته د ربیع الاول میاشت په ۲۷ نېټه د یکشنبې په ورځ د مسلکي معین شیخ عبدالکریم حیدر په مشرۍ او د دغه وزارت د مرکزي رییسانو په ګډون په دغه وزارت کې جوړه شوه.
په دغې ناسته کې، د وزارت داخل ته د وسلو وړلو، د ولایتونو د عدليې ریاستونو څخه د نظارت او وزارت د ته داخلیدو پر مهال د مرکزي رییسانو په تلاشۍ کې د تساهل په اړه بحث او د نظرونو تبادله ترسره شوه.
په یاده ناسته کې پرېکړه وشوه چې د عدليې وزارت مرکزي رییسان د وزارت داخل ته د وسلې د وړلو په منظور باید د وسلې شمېره او د خپل د محافظینو شمېر مشخص کړي او د رخصتي تر وخت پورې خپلې اسلحې خپلو دفترونو کې پرېږدي او د رخصتۍ پر مهال دې له ځان سره واخلي.
دغه راز په دغې ناسته کې د هغو ولایتونو د عدليې ریاستونو د نظارت په اړه بحث او د نظرونه تبادله ترسره شوه چې تر اوس مهال څارل شوي نه دي او پرېکړه وشوه چې یو هیئت د حقوقي مرستو د رییس مولوي رحمت الله حقاني په مشرۍ او د انسجام ریاست، د داخلي پلټنې ریاست، د مالي او اداري ریاست، د تقنین ریاست، د حقوقو ریاست او د امارت د قضایاو د لوی ریاست د استازو په غړیتوب د شمالي ولایتونو له عدليې ریاستونو څخه چې تر اوس مهال بررسي شوي نه دي، لیدنه او نظارت وکړي.
