د مدافع وکیلانو د (اتحاديې د تأسیس) کنفرانس د تعلیق خبرتیا!
په خواشینئ سره د عدليې وزارت اړوند مدافع وکیلانو ته خبر ورکوي چې د مدافع وکیلانو د اتحاديې د جوړولو کنفرانس چې د تلې په ۲۷-۲۸ نېټو ټاکل شوی وو وځنډول شو، ځکه چې د جواز لرونکو مدافع وکیلانو کافي شمیر شتون نه درلود چې په کنفرانس کې د ګډون له پاره لیوالتیا څرګنده کړي. له همدې امله، د مدافع وکیلانو اتحاديې د جوړولو دا کنفرانس تر هغه وخت وځنډول شو تر څو چې د جواز لرونکو مدافع وکیلانو ترمنځ د یوې داوطلبانه او خپلواکه اتحادیې په جوړولو کې پوره لیوالتیا شتون ولري.
د افغانستان د اسلامي امارت د عدليې وزارت ژمن دی چې د جواز لرونکو مدافع وکیلانو د مسلکي ګټو د ودې په موخه د مدافع وکیلانو د یوې خپلواکې اتحاديې جوړیدو ملاتړ وکړي او جواز لرونکي مدافع وکیلان وهڅوي تر څو هغوی ته د اتحاديې په رامنځ ته کولو کې لېوالتیا وښيي.
