پکتیا ولایت کې د غیر قانوني فعاليت په دلیل دوه موټرپلورنځۍ وتړل شوې
د پکتیا ولایت د عدليې ریاست د بررسۍ هیئت د دغه ولایت په مرکز ګردیز ښار کې دوه د موټرپلورنځۍ په معاملو کې د غیرقانوني سندونو د استفادې په دلیل، وتړلې او مهرلاک يې کړې.
د موټر یادو پلورنځیو خپلو معاملو کې له غیرقانونې سټې کارولې چې سټې د پکتیا ولایت د عدليې ریاست د انسجام مدیریت او د بررسۍ ټیم له لوري ضبط شوي او د موټرپلورنځیو دفترونه وتړل شول.
دغه راز د دغو دوو موټر پلورنځیو مالکان عدلي او قانوني تعقیب لاندې نیول کیږي او دفترونه يې د تعقیب د پروسې تر پای پورې تړلي پاتې کیږي.
