په ننګرهار ولایت کې د معاملو د لارښوونې ۱۱ دفترونه د غیرقانوني فعالیت په دلیل وتړل شول
د ننګرهار ولایت د ولایت د مقام، عدليې ریاست، مستوفیت، ملي امنیت او د قوماندانۍ د استازو په ګډون یو ګډ هیئت د صفرالمظفر میاشتې په ۲۴ نېټه د سه شنبې په ورځ د مخکني پلان په اساس د جلال آباد ښار د اوومې ناحيې د معاملو د لارښوونو له دفترونو څخه لیدنه او نظارت وکړ.
یاد پلاوي د دغې ناحیې له ۲۴ دفترونو څخه لیدنه او نظارت وکړ چې په پایله کې یې د معاملو د لارښوونو ۱۱ دفترونه چې په غیر قانوني ډول یې فعالیت سرته رسوه، مهرلاک کړل.
همدا راز ۱۳ د لارښوونو دفترونه چې جواز یې درلود د هغو په کارونو کې د نیمګړتیاو او ستونزو له امله اصلاحي توصیه وشوه، چې د قوانینو او اصلو پر مطابق فعالیت ترسره کړي.
تړل شوي دفترونه به تر هغه مهال پورې مهرلاک وي چې خپل پاتې مالیات يې نه وي ورکړي او د فعالیت جواز یې نه وي ترلاسه کړی.
