د پکتیا ولایت د ځاځي آریوب ولسوالۍ د خلکو تر منځ د شخړې حل په منظور یو پلاوي یادې ولسوالۍ ته سفر وکړ
د پکتیا ولایت د ځاځي آریوب ولسوالۍ د بلوت پطله او علیسنګي قومونو تر منځ د لري دار غره د جلغوزیو پر حاصلاتو اوګټو له ډېرو کلنو را په دې خوا دعوا او لانجه روانه وه.
د یادې شخړې د حل او د مدعابها او ذوالیدی (متصرفو) تر منځ د پولو ټاکلو په منظور د اړونده ادارو له استازو څخه یو پلاوی چې د پکتیا د عدلیې ریاست استازي هم په کې حضور درلود، وټاکل شو.
یاد پلاوي د صفرالمظفر په ۱۴ او ۱۵ نېټو د یاد شوو قومونو د مشرانو په حضور کې د شته سند پر مطابق د شخړې له سیمې څخه لیدنه وکړه او هر اړخیزه بررسي یې ترسره کړه. د یادې موضوع د لا روڼتیا په منظور پلاوي له اړونده مراجعو او د دعوا دواړو برخو څخه رسماًُ د معلوماتو غوښتنه وکړه.
ګمارل شوي پلاوي د خپلو کتنو او بررسیو راپور ترتیب او مسوولو مراجعو ته یې وسپاره ترڅو وروستۍ پرېکړه وکړي او دغه شخړه پای ته ورسوي.
