د بادغیس ولایت د عدلیې رییس د دې ولایت د مُقر ولسوالۍ د حقوقو لوی مدیریت څخه لیدنه وکړه
د بادغیس ولایت د عدلیې رییس الحاج ملا عبدالرازق مرزوقي او ورسره مل پلاوي د صفرالمظفر میاشتې په ۱۶ نېټه د دوشنبې په ورځ د ولسوالیو د حقوقو د مدیریتونو د چارو څخه د نظارت په لړ کې د دې ولایت د مُقر ولسوالۍ د حقوقو لوی مدیرت څخه لیدنه وکړه.
په دې سفر کې چې د حقوقو د لوی مدیریت د چارو د ارزیابۍ او د دې مدیریت د ستونزو د حل په موخه پېل شوي وه، د عدليې له رییس سره د امارت د قضایاو آمر، د حقوقو آمر او د حقوقي مرستو آمر ملګري ول.
یاد پلاوي، د دغه لوی مدیریت کاري بهیر له نږدې څخه وڅاره او د دې مدیریت د کارکونکو ستونزې یې واورېدې. د بادغیس دعدلیې رییس د مُقر ولسوالۍ د حقوقو لوی مدیر سره ژمنه وکړه چې د دغه مدیریت ستونزو ته به ډېر ژر رسیده ګي وشي.
په دې سفر کې د بادغیس د عدلیې رییس او ورسره مل پلاوي د مُقر د ولسوال له مرستیال، امنيې قوماندان او د ابتدایې محکمې له قاضي سره ولیدل او د حقوقو لوی مدیریت مسوولیتونه او ستونزو په اړه یې ورسره خبرې وکړې.
همدا راز په دې لیدنه کې د حقوقو مدیریت او اړونده ادارو تر منځ د همکارۍ او همغږۍ په اړه تاکید وشو.
په پای کې یاد پلاوي د یاد ولایت له مشرانو او مخورو سره وکتل او هغوی ته یې ډاډ ورکړ چې د اسلامي امارت مسوولین د هغوی په چوپړ کې دي.
