۳۳ تنو مدافع وکيلانو ته د فعالیت جواز وويشل شو
د عدلیې وزارت د مدافع وکیلانو ریاست د ربیع الاول د مياشتې په لومړۍ نېټه د چهارشنبې په ورځ د یو لړ مراسمو په ترڅ کې ۳۳ تنو غوښتونکو ته د دفاع وکالت د فعالیت جوازونه وویشل.
په دغو مراسمو کې د عدلیي وزارت د مدافع وکیلانو رئیس مولوي رحمت الله حقاني او د یاد ریاست نورو مسؤولینو حضور درلود او د دفاع وکالت د جواز ۳۳ تنو غوښتونکو چې ازموینه او د دغې پروسې نور پړاوونه یې په بریالیتوب سره تېر کړي وو، خپل جوازونه ترلاسه کړل.
په دغو مراسمو کې د عدلیې وزارت د مدافع وکیلانو رئیس د دفاع وکالت یوه مهمه، پاکه او سپیڅلې دنده وبلله او له مدافع وکيلانو څخه یې غوښتنه وکړه چې خپلې دندې په پوره امانت دارۍ او صداقت سره ترسره کړي.
نوموړي ټینګار وکړ چې مدافع وکیلان د عدلیې وزارت استازي دي او د خپلې دندې په جریان کې باید له حق څخه دفاع وکړي او مادیاتو ته پاملرنه ونهلري.
