یو شمېر غوښتونکو ته، د معاملاتو د لارښوونې او د عریضې د لیکنې د فعالیت جوازلیکوونه وویشل شو
د عدليې وزارت د انسجام لوی ریاست د معاملاتو د لارښوونې او عریضه لیکوونکو ریاست د ۱۴۴۴ هجري قمري کال د شوال د میاشت په ۲۸ نېټه د پنجشبې په ورځ یو شمېر غوښتونکو ته، د معاملاتو د لارښوونې او د عریضې د لیکنې د فعالیت جوازلیکوونه وویشل.
په هغو مراسمو کې چې په همدې مناسبت په عدلیې وزارت کې جوړ شوې وو، د الله تعالی د سپیڅلي کلام د څو آیاتونو په تلاوت سره پیل شوه او د عدليې وزارت د انسجام لوی رئیس مولوي رحمت الله حقاني د موضوع په تړاو خبرې وکړې.
په دغو مراسمو کې د معاملاتو لارښوونې او د عریضې لیکنې د فعالیت جواز غوښتونکو ته لازم معلومات ورکړ شول او هغوی یې خپلو مسؤلیتونو او مکلفیتونو ته متوجې کړل.
د دغو مراسمو په پای کې، د عدلیې وزارت د معاملاتو د لارښوونې او د عریضې د لیکنې رئیس په واسطه ۱۷ تنو غوښتونکو ته د معاملاتو د لارښوونې او د عریضې د لیکنې د فعالیت جوازلیکوونه وویشل شول.
