پکتیا ولایت کې د یو شمېر اتحادیو، معاملاتو لارښوونې او خيریه بنسټونو دفترونو نظارت کېدل
د پکتیا ولایت عدلیې رياست د انسجام عمومي مديریت نظارتي پلاوي د محرم الحرام د میاشتې په ۲۲ مه نېټه د یکشنبې په ورځ یاد ولایت څمکنۍ ولسوالۍ ته سفر وکړ.
نظارتي پلاوي د یاد سفر په ترڅ کې د څمکنۍ ولسوالۍ له ولسوال سره ناسته وکړه او په ترڅ د یادې ولسوالۍ د بارګېنونو، معاملاتو لارښوونې دفترونو او د یو شمېر اتحادیو د موضوعاتو په اړه بحث او خبرې وکړې. نظارتي پلاوي له ناستې وروسته د یادې ولسوالۍد هټۍ والو اتحادیې له مسؤولينو سره وکتل او خبرې وکړي.
همداراز نظارتي پلاوي له یو شمېر د معاملاتو لارښوونې دفترونو او خيریه بنسټ څخه نظارت ترسره کړ او له هغوى څخه وغوښتل چې، د خپلو فعاليتونو راپور له عدليې رياست سره شريک کړي.
د پکتيا ولایت عدلیې رياست په یاد ولایت کې د خيريه بنسټونو، اتحادیو او معاملاتو لارښوونې دفترونو فعالیتونو څخه په دوامداره توګه ارزوي تر څو د غير قانوني فعاليتونو مخنيوی وشي.
