پکتیا ولایت کې د غیرقانوني فعالیت په دلیل دوه موټر پلورنځۍ وتړل شوې
د پکتیا ولایت د عدلیې ریاست د انسجام مدیریت او د ولايت د مقام، د استیناف محمکې، د مستوفيت د استازو په غړیتوب ګډ هیئت د شعبان میاشت په ۲۰ نېټه د یکشنبې په ورځ د پکتیا ولایت په مرکز ګردیز ښار کې د موټورو له پلورنځیو څخه نظارت او لیدنه وکړه.
دغه هیئت په یاد ښار کې د ۸ موټرو پلورنځیو له فعالیت څخه نظارت ترسره کړ او هغوی ته یې لازمې لارښوونې وکړې او د یادو شویو موټر پلورنځیو ستونزې یې هم واوریدلې.
یاد شوي هیئت، ددغه نظارت په ترڅ کې دوه د موټرو پلورنځۍ د غیر قانوني فعالیت په دلیل مهرلاک او وتړلې.
