په کنړ ولایت کې د یو شمېر موټر پلورنځيو نظارت کېدل
د کنړ ولایت د عدلیې رياست نظارتي پلاوي، د صفر المظفر د مياشتې په ۲۱ مه نېټه د یکشنبې په ورځ د اسعدآباد ښار اړوند له یو شمېر موټر پلورنځيو څخه نظارت ترسره کړ.
د نظارت په ترڅ کې د موټر پلورنځیو مسؤولينو ته د مالياتو د تادیې، د فعالیت د جوازونو نېټې، سټو او د ثبت د نويو کتابونو په اړه لازم معلومات وړاندې شول او همدرانګه د شته نيمګړتياو د اصلاح او د کاري چارو ښه پرمخ وړلو په اړه لازمې توصیې وشوې.
د کنړ ولایت عدلیې رياست په یاد ولایت کې له موټر پلورنځيو په دوامداره توګه نظارت ترسره کوي تر څو د غير قانوني فعاليتونو مخه ونیسي او په دې برخه کې هېواد والو ته لا ډېرې اسانتېاوې رامنځته کړي.
