په کندز ولایت کې څه باندې ۵۰۰ جریبه ځمکه بررسي شوه
د کندز ولایت د ځمکو له غصب څخه د مخنیوي تخنیکي هیئت د ربیعالثاني د میاشتې په ۱۸مه نېټه د دوشنبې په ورځ خان آباد ولسوالۍ ته په سفر سره، په یادې ولسوالۍ کې څه باندې پنځهسوه (۵۰۰) جریبه ځمکه بررسي کړه.
یاده شوې ځمکه د کندز د خان آباد ولسوالۍ په باسوس ساحه کې موقعیت لري او تخنیکي هیئت د ساحې د لیدنې او بررسۍ سربېره، د هغې له متصرفانو څخه سندونه او معلومات وغوښتل.
دغه راز تخنیکي هیئت په همدې ورځ د کندز له والي، ملا محمدخان دعوت سره هم وکتل او د کندز ښار د ماسترپلان د تطبیق په برخه کې یې د خپلو یو میاشتنیو فعالیتونو راپور نوموړي ته وړاندې کړ. په دې کتنه کې د کندز والي په دې هکله د تخنیکي هیئت له فعالیتونو څخه قدرداني وکړه.
