په کاپیسا ولایت کې د عریضه لیکنې جواز له یو شمېر غوښتونکو څخه د آزموینې اخیستل
د کاپیسا ولایت د عدلیې ریاست د ربیع الثاني د میاشتې په ۲۹ نېټې د دوشنې په ورځ د یاد ولایت د عریضه لیکنې جواز له یو شمېر غوښتونکو څخه آزموینه واخیسته.
په دغې آزموینه کې د کاپيسا ولایت د عدلیې رئیس قاري شکرالله احمد او د آزموینې کمیټې غړو حضور درلود او د آزموینه له بهیر څخه یې نظارت وکړ.
په دغې آزموینې کې د عریضه لیکنې جواز ۸ تنو غوښتونکو ګډون درلود او د آزموینې له پیل څخه مخکې د عریضه لیکونکي مکلفیتونو په اړه هغوی ته پوهاوی ورکړل شو او ټینګار وشو چې له اصولو او قواعدو څخه د سرغړونې په صورت کې به له سرغړونکو سره قانوني چلند وشي.
