په کابل ښار کې د ۱۴ دارالوکالو بررسي او څارنه
د عدليې وزارت د مدافع وکیلانو د ریاست د څارنې پلاوي د یاد وزارت د مدافع وکیلانو د رئیس مولوي سید حبیب الحبیب په مشرۍ د صفرالمظفر د میاشتې په ۲۳ نېټې د شنبې په ورځ د کابل ښار د مدافع وکیلانو او دارالوکالو د فعالیت له څرنګوالي څخه بررسي او څارنه ترسره کړه.
د یادې بررسۍ په ترڅ کې، د کابل ښار د دوه یمې ناحیې ۱۴ دارالوکالې بررسۍ او نظارت لاندې ونیول شوې او له دغې جملې څخه ۲ دارالوکالې په خپلو دارالوکالو کې د مدافع وکیلانو د نه حضور او په هغو کې د غیر مسؤلو کسانو د فعالیت په دلیل وتړل شوې او متصدیان یې د ځواب وړاندې کولو په موخه عدليې وزارت ته وغوښتل شول.
دغه راز دوو دارالوکالو ته چې د هغو لوحې د هغو د جوازلیکونو مطابق نه وې، لازمې توصیې وشوې
