په پکتیا ولايت کې د معاملاتو لارښوونې، موټر پلورنځيو او عریضه ليکونکوله یو شمېر دفترونو څخه نظارت کېدل
د پکتیا ولایت د عدلیې رياست نظارتي پلاوي، د سهشنبې په ورځ د ياد ولایت په څمکنیو ولسوالۍ کې د عریضه ليکونکو، موټر پلورنځيو او د معاملاتو لارښوونې له یو شمېر دفترونه څخه نظارت ترسره کړ او د هغوی فعاليتونه یې بررسي کړل.
د یاد نظارت په ترڅ کې چې، د ۶ عریضه ليکونکو او د ۲۲ موټر پلورنځيو دفترونو او د معاملاتو لارښوونې له ۱دفتر څخه ترسره شو، د موټرو يو پلورنځيو یو دفتر او د عریضه ليکنې یو دفتر د غير قانوني فعالیت له امله وتړل شول او د پاتې نورو دفترونو متصديانو ته د شته نيمګړتياو د اصلاح او د کاري چارو ښه پرمخ وړلو په اړه لازمې توصیې وشوې.
د پکتیا ولایت عدلیې رياست په یاد ولایت کې په دوامداره توګه له اړوندو برخو څخه نظارت ترسره کوي تر څو د غير قانوني فعالیتونو مخنيوی وشي.
