په پنځو ولایتونو کې ۳۰۰ تنو ته حقوقي پوهاوی وړاندې شو
د هېواد د ۵ ولایتونو د عدلیې ریاستونو د حقوقي مرستو مسؤولینو د ذوالقعدې د میاشتې په ۵ مه نېټه د سه شنبې په ورځ ۳۰۰ تنو ته حقوقي پوهاوی وړاندې کړی دی.
په دغو برنامو کې چې په ننګرهار، فراه، ارزګان، لوګر او بادغیس ولایتونو کې جوړې شوې د عدلیې وزارت د پېژندنې، د اسلام او شریعت په رڼا کې د اولادونو د تربیې، د هېوادوالو حقوقو او مکلفیتونو او د ورته نورو مهمو موضوعاتو په اړه عامه پوهاوی وړاندې شو.
د عدلیې وزارت د مرکز په ګډون د هېواد په ټولو ولایتونو کې د حقوقي پوهاوي ورکولو برنامې جوړوي او موخه یې دا ده چی خلک د خپلو حقوقو په اړه پوهاوی ترلاسه کړي.
