په نیمروز ولایت کې ۱۹۳ جریبه ځمکه امارتي تثبیت او خط په کې واچول شو
د نیمروز ولایت د ځمکو د غصب د مخنیوي د تخنیکي هیئت ناسته د صفرالمظفر د میاشتې په ۲۵ نېټې د دوشنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې دیاد ولایت د دلارام او خاشرود ولسوالیو اړوند د یو شمېر ځمکو په تړاو بحث او د نظرونو تبادله ترسره شوه او تصمیم ونیول شو چې یو پلاوی د یادو ساحو د بررسۍ په منظور واستول شي.
دغه راز له تخنیکي هیئت څخه یو ټیم د زرنج ښار د خوابګاه کلي ساحې ته روان شو او د املاکي دفترونو او کادستري نقشو په پام کې نیولو سره یې ۱۹۳ جریبه امارتي ځمکه په جي پي اس دستګاه تثبیت او تفکیک کړه.
