په نیمروز ولایت کې ۱۸ جریبه امارتي ځمکه تثبیت او خط په کې واچول شو
د نیمروز ولایت د ځمکو د غصب د مخنیوي د تخنیکي هیئت ناسته د محرم الحرام د میاشتې په ۲۱ نېټه د دوشنبې په ورځ د یاد هیئت د رئیس او غړو په حضور سره جوړه شوه.
په دغې ناسته کې، د محمد کلا د کلي د ځمکو موضوع په اړه بحث او د نظرونو تبادله وشوه او تصمیم ونیول شو چې یو پلاوی ټاکل شوې ساحې ته ولاړ شي او ساحه بررسي کړي.
ورپسې د یاد ولایت د کرنې رئیس په مشرۍ له تخنیکي هیئت څخه یو ټیم د زرنج ښار د محمد کلا کلي ته ولاړ او د املاکي دفترونو او کادستري نقشو په پام کې نیولو سره د جي پي اس په دستګاه یو ټوټه امارتي ځمکه چې ۱۸ جریبه کیږي، تثبیت او تفکیک کړه او خط یې په کې واچو.
