په ننګرهار کې د ۲۴ عریضهلیکونکو له فعالیتونو نظارت ترسره شو
د ننګرهار ولایت د عدلیې ریاست د انسجام آمریت نظارتي پلاوي، د ذیالحجې میاشتې په لومړۍ نېټه، د پنجشنبې په ورځ، په مرکز جلالآباد ښار کې له ۲۴ عریضه لیکونکو څخه نظارت ترسره کړ.
نظارتي پلاوي د ياد نظارت په ترڅ کې د عریضه ليکونکو فعاليتونه له نږدې بررسي کړل او یو شمېر ستونزې یې مشخصې کړې.
پلاوي د یادو ستونزو د حل او د کاري چارو ښهوالي په برخه کې یادو عریضه لیکونکوته لازمې توصیې وړاندې کړې.
دغه راز نظارتي پلاوي له عریضه ليکونکو سره په خبرو کې ټينګار وکړ چې عریضې په مسلکي ډول او د اصولو په رعایت کولو سره وليکي تر څو د خلکو ستونزې او شکايتونه حل شي او د هغوی حقوق ضایع نهشي.
په ورته مهال یادو عریضهلیکونکو ژمنه وکړه چې له اصولو او قانون څخه به سرغړونه ونهکړي او د عریضهلیکني په برخه کې به د مقرراتو رعایت ته ژمن پاتې شي.
