په ننګرهار ولایت د یو شمېر اتحاديو له دفترونو څخه نظارت ترسره شو
د ننګرهار ولایت د عدلیې ریاست نظارتي پلاوي د صفرالمظفر د میاشتې په ۳مه نېټه د دوشنبې په ورځ، د دغه ولایت په مرکز جلالآباد ښار کې د یو شمېر اتحاديو له دفترونو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو اتحادیو اړوند د فعاليت جوازونه، رسمي مهرونه، مالي راپورونه او له یو شمېر نورو موضوعاتو څخه نظارت ترسره کړ.
د دغه نظارت په ترڅ کې د یادو اتحادیو یو شمېر نيمګړتياوې مشخصې شوې او مسؤولينو ته یې توصيه وشوه چې خپلې موجودې ستونزې او نيمګړتياوې حل کړي.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
