په میدان وردک ولایت کې ۶۱۸ جریبه ځمکه تثبیت او تشخیص شوه
د میدان وردک ولایت د ځمکو د غصب د مخنیوي د تخنیکي هیئت ناسته د صفرالمظفر د میاشتې په ۱۷ نېټې د یکشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب د مخنیوي اړوند یو شمېر دوسیې په کې بحث او بررسۍ لاندې ونیول شوې.
په دغې ناسته کې د دایمیرداد ولسوالۍ د خوش قول ساحې د ۶۱۸ جریبه ځمکې دوسیه بررسۍ لاندې ونیول شوه او تثبیت او تشخیص شوه. یاد هیئت د دغه هیئت موظف ټیم او سکرتریت ته دنده وسپارله ترڅو د دغې موضوع وروستی راپور ترتیب کړي او د وروستي تصمیم نیولو په غرض مرکزي کمېسیون ته واستوي.
دغه راز په یاده ناسته کې د شهرنو ښارګوټي، د چک ولسوالۍ د برق د فابریکې موضوع او یو شمېر نورې عریضې او دوسیې بحث او بررسۍ لاندې ونیول شوې او دغې برخه کې لازم تصمیم ونیول شو.
