په ميدان وردګ ولایت کې څه باندې ۳۴۰۰ جریبه ځمکې بررسي کېدل
د ميدان وردګ ولایت د ځمکو د غصب د مخنيوي تخنيکي هئيت ناسته د ۱۴۴۶ هجري قمري کال د محرم الحرام د مياشتې په لومړۍ نېټه، د یکشنبې په ورځ د یاد هيئت د رئيس او غړو په ګډون سره جوړه شوه.
په ياده ناسته کې د مرکز اړوند د امنیه قوماندانۍ په شاوخوا ساحه کې تر دعوا لاندې د څه باندې ۳۴۳۰ جریبه ځمکې دوسیه بررسي شوه او پرېکړه وشوه چې دوسیه یې د وروستۍ پرېکړې په موخه مرکزي کمېسيون ته واستول شي.
همدارنګه په یاده ناسته کې د ځمکو د غصب اړوند د یو شمېر نورو دوسيو په اړه هم بحث او خبرې وشوې.
