په لوګر ولایت کې د څه باندې ۲۳ زره جریبه امارتي ځمکې تشخيص
د لوګر ولایت د ځمکو له غصب څخه د مخنیوي تخنیکي هیئت ناسته د محرمالحرام د مياشتې په ۲۴ مه نېټه یکشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د لوګر ولایت د مرکز اړوند په سپینې کلا او اولکۍ ساحو کې د څه باندې درويشت زره شپږسوه یو څلوېښت (۲۳۶۴۱) جریبه ځمکې دوسیې تر بحث او بررسۍ لاندې ونیول وشوې او په ترڅ کې یادې ځمکې امارتي تشخيص شوې.
هيئت پرېکړه وکړه چې د یادو ځمکو دوسيې دې د وروستۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د لوګر ولایت په بېلابېلو ساحو کې د غصب شویو ځمکو اړوند یو شمېر نورې دوسیې تر بحث او بررسۍ لاندې ونيول شوې او په اړه يې لازم تصامیم ونیول شول.
