په غور ولايت کې څه دپاسه ۲۵۵ جریبه ځمکه استرداد شوه
د غور ولایت د ځمکو د غصب د مخنیوي د تخنیکي هیئت رئیس او غړو د ۱۴۴۵ هجري قمري کال د محرم الحرام د میاشتې په ۲۶ نېټه د شنبې په ورځ د یاد ولایت دولتیار ولسوالۍ ته روان شو او په دغې ولسوالۍ کې څه باندې ۲۵۵ جریبه امارتي ځمکه استرداد کړه.
یاد شوي هیئت په دولتیار ولسوالۍ کې د یو کس تر ادعا لاندې ۱۷۸.۱۶ جریبه اوبه درلودونکې ځمکه او د تایمني بازار په شمال کې د یو بل کس تر ادعا لاندې ۷۷.۸۰ جریبه کرنیزه اوبه درلودونکې ځمکه تثبیت او استرداد کړه.
په همدې توګه دغه هیئت د کرنیز طبعي ځنګلاتو د ۶ جریبه غصب شوې ځمکې په تړاو د یو بل کس عریضه بررسۍ لاندې ونیوله او یاده شوې ځمکه یې تثبیت کړه.
