په سمنګان ولایت کې د څه باندې ۲۸ زره جریبه امارتي ځمکې تشخيص کېدل
د سمنګان ولايت د ځمکو له غصب څخه د مخنيوي تخنیکي هيئت ناسته د روژې د مياشتې په ۲۳ مه نېټه، د یکشنبې په ورځ، د یاد هيئت د رئيس او غړو په ګډون جوړه شوه.
د تخنيکي هيئت په دې ناسته کې د سمنګان ولایت د مرکز اړوند په زیرشمر کنده ساحه کې د اووه ويشت زره درې سوه یو نوي (۲۷۳۹۱) جریبه ځمکې او د حضرت سلطان ولسوالۍ په نعمان کلي کې د شپږ سوه اته شپېته (۶۶۸) جریبه ځمکو دوسیې تر بحث او بررسۍ لاندې ونيول شوې او په ترڅ کې یادې ساحې امارتي تشخیص شوې.
تخنيکي هئيت پرېکړه وکړه چې د یادو ساحو دوسیې دې بشپړې شي او د وروستۍ پرېکړې په موخه دې مرکزي کمېسيون ته واستول شي.
