په سرپل ولایت کې څه دپاسه ۱۱۰۰ جریبه ځمکه تشخیص او تثبیت شوه
د سرپل ولایت د ځمکو د غصب د مخنیوي د تخنیکي هیئت ناسته د ربیع الاول د میاشتې په ۱۸ نېټې د سه شنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې.
په یاده ناسته کې له بحث او د دوسیو له بررسۍ څخه وروسته، په دغه ولایت کې څه باندې ۱۱۹۲ جریبه ځمکه تشخیص او تثبیت شوه او لارښوونه وشوه چې د هغې راپور بشپړ او دوسیې یې د وروستي تصمیم نیونې په غرض مرکز ته واستول شي.
یاد شوي هیئت د چهارشنبې او پنجشنبې په ورځو هم د یاد ولایت د مرکز او د سوزمه قلعه ولسوالۍ ځینو سیمو ته سفر وکړ او تر دعوا لاندې ځمکې له نږدې ولیدلې او بررسي کړې.
