په سرپل ولایت کې د څه باندې ۵۳۶۷ جریبه امارتي ځمکې تثبیت
د سرپل ولایت د ځمکو له غصب څخه د مخنیوي تخنیکي هیئت ناسته د رجب المرجب د مياشتې په ۲۰ مه نېته د سه شنبې په ورځ، د هيئت د رئيس او غړو په ګډون جوړه شوه.
تخنيکي هيئت په دې ناسته کې، د سرپل ولایت په کله خانه ساحه کې د څلور زره اويا (۴۰۷۰) جریبه ځمکې، د صیاد ولسوالۍ اړوند په ګرم جر ساحه کې د څه باندې یو زرو شپږ سوه څلور اويا (۱۶۷۴) جریبه ځمکې او په پهلوان تاش ساحه کې د څه باندې يو ویشت (۲۱) جریبه ځمکې دوسیې تر بحث او بررسۍ لاندې ونيولې او په ترڅ کې یې یادې ځمکې امارتي تثبيت او تشخيص شوې.
هيئت پرېکړه وکړه چې د یادو ځمکو دوسیې دې و وروستۍ پرېکړې په موخه مرکزي کمېسيون ته واستول شي.
همدارنګه په ياده ناسته د سرپل ولایت د بېلابېلو ساحو د غصب شويو ځمکو اړوند یو شمېر نورې دوسیې هم بررسي شوې او په اړه یې لازم تصامیم ونیول شول.
