په زابل کې د څلورو دارالوکالو له فعالیتونو نظارت ترسره شو
د زابل ولایت د عدلیې ریاست نظارتي پلاوي د ذیالقعدې مياشتي په ۳۰مه نېټه، د چهارشنبې په ورځ، د یاد ولایت په مرکز، قلات ښار کې له ۴ دارالوکالو څخه نظارت ترسره کړ او د هغو فعاليتونه یې بررسي کړل.
د دغه نظارتي بهیر په ترڅ کې د یادو دارالوکالو د فعاليت جوازونه، د ثبت کتابونه، لوحې، مهرونه او یو شمېر نور اړين اسناد بررسي شول چې په پایله کې یې د یادو دارالوکالو یو شمېر ستونزې او نيمګړتياوې مشخصې شوې او د حل په موخه متصديانو ته یې لازمې توصیې وړاندې شوې.
همدارنګه، مدافع وکیلانو هم خپلې ستونزې له نظارتي پلاوي سره شریکې کړې او د حل غوښتنه یې وکړه، چې د حل ډاډ ورکړل شو.
د زابل ولایت د عدلیې ریاست په دوامداره توګه له اړوندو برخو څخه نظارت ترسره کوي تر څو د غیرقانوني فعاليتونو مخنيوی وشي.
