په جوزجان ولایت کې کابو د ۳۵۰ جریبه ځمکې بررسي کېدل
د جوزجان ولایت د ځمکو د غصب مخنیوي د تخنیکي هیئت ناسته د محرم الحرام مياشتې په ۱ نېټه د یکشنبې په ورځ د دغه هیئت د رئیس او غړو په حضور سره جوړه شوه.
د تخنیکي هيئت په ياده ناسته کې، د یاد ولایت د مرکز اړوند «لب جر قریش» په کلي کې د ۳۳۱،۵ جریبه امارتي ځمکې، د قرقين ولسوالۍ په شورتپې کلي د ۱۲،۵ جریبه امارتي ځمکې او د یادې ولسوالۍ په جوی سرای کلي کې د ۳۰ جریبه ځمکې دوسیې تر بحث او بررسۍ لاندې ونيول شوې او پرېکړه وشوه چې دوسیې یې بشپړه شي.
همداراز په ياده ناسته کې په جوزجان ولایت کې د دعوا لاندې ځمکو اړوند د یو شمېر نورو دوسیو په اړه هم بحث وشو.
