په جوزجان ولایت کې د ۳۲۰۰ جریبه ځمکې بررسي کېدل
د جوزجان ولایت د ځمکو له غصب څخه د مخنیوي تخنیکي هیئت ناسته د جمادي الثاني د مياشتې په ۲ مه نېټه، د چهارشنبې په ورځ د دغه هیئت د رئیس او غړو په ګډون جوړه شوه.
د تخنیکي هيئت په دې ناسته کې، د یاد ولایت د خانقاه ولسوالۍ په عليلي وطني کلي کې د دوهزره درېسوه نههپنځوس (۲۳۵۹) جریبه ځمکې او همدارنګه، د یاد ولایت د فیض آباد ولسوالۍ اړوند په قزل کوتل ساحه کې د نههسوه پنځهاویا (۹۵۷) جریبه امارتي ځمکې دوسیې تر بحث او بررسي لاندې ونيول شوې.
تخنيکي هيئت د یادو ځمکو د دوسیو په بررسۍ سره پرېکړه وکړه چې د مرکزي کمېسيون د لارښود په اساس د تخنیکی هيئت د سکرتریت مسلکي غړي دې د یادو ځمکو دوسیو په اړه املاکي څېړنې ترسره کړي.
همدارنګه په یاده ناسته کې د جوزجان ولایت په کچه د ځمکو د غصب اړوند یو شمېر نورې دوسیې هم تر بحث او بررسۍ لاندې ونيول شوې او په اړه یې لازم تصامیم ونیول شول.
