په تېرې یوې میاشت کې څه باندې د ۳۰ زره او ۳۰۰ جریبه امارتي ځمکې استرداد
د هیواد د ۱۴ ولایتونو د ځمکو د غصب د مخنیوي تخنیکي هیئتونو د ۱۴۴۵ هجري قمري کال د صفرالمظفر د میاشتې په اوږدو کې ۳۰ زره او ۳۱۱.۹۵۵ جریبه امارتي ځمکه له بررسۍ او تثبیت څخه وروسته، استرداد کړه او هغه یې اړوندو ادارو ته تسلیم کړې.
دغه راز د ځمکو د غصب د مخنیوی تخنیکي هیئتونو د یادې میاشتې په اوږدو کې ۱۹۵ زره او ۵۵۱.۱۴ جریبه امارتي ځمکه د افغانستان په ۲۵ ولایتونو کې تثبیت کړه او ۲۲۵ زره او ۱۷۳.۴۰۵جریبه نوره ځمکه یې هم بررسۍ لاندې نیولې ده.
د تېرې یوې میاشتې په ترڅ کې تر ټولو زیاتې استرداد شوې ځمکې په کندهار، کاپیسا، فراه او کندز ولایتونو کې موقعیت لري.
د امارتي ځمکو د بررسۍ، تثبیت او استرداد بهیر په ټولو ولایتونو کې دوام لري او په زرګونو جریبو د غصب شویو امارتي ځمکو دوسیې، د ولایتونو د ځمکو د غصب د مخنیوي د تخنیکي هیئتونو تر بررسۍ لاندې دي.
