په تخار ولایت کې د کابو ۵۶۰۰ جریبه ځمکو دوسیې بررسي شوې
د تخار ولایت د ځمکو له غصب څخه د مخنیوي تخنیکي هیئت د یوې ناستې په ترڅ کې په یاد ولایت کې د نږدې پنځهزره او شپږسوه (۵۶۰۰) جریبه ځمکو دوسیې بحث او بررسۍ لاندې ونیولې.
دا ناسته د ربیعالثاني د میاشتې په ۱۷مه نېټه د یکشنبې په ورځ د یاد هیئت د رئیس او غړو په ګډون ترسره شوه او د دشت قلعې ولسوالۍ د څلور زره اوهسوه څلور پنځوس (۴۷۵۴) جریبه ځمکې، د درقد ولسوالۍ د اتهسوه (۸۰۰) جریبه ځمکې او د تخار په بېلابېلو برخو کې د ۳۲ جریبه ځمکو دوسیې بحث او بررسي لاندې ونیول شوې.
تخنیکي هیئت د درقد ولسوالۍ د ۸۰۰ جریبه امارتي ځمکې په اړه پرېکړه وکړه چې یاده ځمکه دې د پړاوونو له تېرولو څخه وروسته د ځمکو په بانک کې ثبت شي او یو شمېر نورې دوسیې دې مرکزي کمېسیون ته واستول شي.
دغه راز په یاده ناسته کې د تخار ولایت په څو ساحو کې د ځمکو د غصب اړوند یو لړ نور موضوعاتو او یو شمېر دوسیو په اړه بحث وشو او د هغو په هکله لازم تصامیم ونیول شول.
