په بلخ ولایت کې د څه باندې ۷۰۰ جریبه ځمکو د دوسیو بررسي کېدل
د بلخ ولایت د ځمکو له غصب څخه د مخنیوي تخنیکي هیئت ناسته د روژې د مياشتې په ۲ مه نېټه، د یکشنبې په ورځ، د یاد هیئت رئیس او غړو په ګډون جوړه شوه.
په دې ناسته کې د مرکز اړوند په دشت شور ساحه کې د څه باندې شپږ سوه اتيا (۶۸۰) جریبه ځمکې او د چمتال ولسوالۍ په نوشهر ترکي کلي کې د څه باندې پنځه ویشت (۲۵) جریبه ځمکو دوسیې تر بحث او بررسۍ لاندې ونيول شوې.
هیئت پرېکړه وکړه چې، د یادو دوسیو په اړه دې معلومات بشپړ او په هکله یې لازم اجراآت ترسره شي.
