په بادغیس ولایت کې د کابو ۵۰۰ جریبه امارتي ځمکې تثبیت او تشخیص
د بادغیس ولایت د ځمکو د غصب د مخنیوي تخنیکي هیئت د ذوالقعدې د مياشتې په ۱۹ مه نېته د سه شنبې په ورځ د یاد ولایت د بالا مرغاب ولسوالۍ ته سفر وکړ او په دې ولسوالۍ کې یې غصب شوې ځکمې بررسي کړې.
یاد هیئت په دغې ولسوالۍ کې د یو شمېر غصب شویو ځمکو له بررسۍ څخه وروسته ۴۹۴جریبه ځمکه تثبیت او تشخیص کړه.
په یادو تشخیص شويو ځمکو کې د کرنې رياست اړوند ۳۱۵.۱۵ جریبه ځمکه، د کرنې ریاست کدستري نقشې اړوند ۱۶۹.۸۵ جریبه ځمکه، د پوليسو د ټولي ۱۵.۶۰جریبه ځمکه او د بالامرغاب ولسوالۍ د ګدام ۵.۲۲ جریبه ځمکه په کې شاملې دي.
