په ارزګان ولایت کې د څه باندې ۳۰۰ جریبه ځمکې بررسي کېدل
د ارزګان ولایت د ځمکو د غصب د مخنیوي د تخنیکي هیئت ناسته د محرم الحرام د مياشتې په ۹ مه نېټه د دوشنبې په ورځ د یاد هیئت د رئيس او غړو په ګدون سره جوړه شوه.
د هيئت په دې ناسته کې، د یاد ولایت مرکز ترينکوټ اړوند په ناقل سيمه کې تر دعوا لاندې ۳۲۶ جریبه ځمکه بررسي شوه او پرېکړه وشوه، چې د یادې ځمکې دوسیې بشپړېدو پورې د هر ډول نويو تصرفاتو مخه په کې ونيول شي.
همدارنګه په یاده ناسته د ځمکو د غصب اړوند یو شمېر نورې دوسيې هم تر بحث او بررسي لاندې ونيول شوې او پرېکړه وشوه چې دوسیې یې بشپړې او راپور یې په راتلونکې ناسته کې وړاندې شي.
