پروان ولایت کې د ۶۳ جریبه ځمکې تثبیت او له غاصبینو څخه ۱۶ جریبه د امارتي ځمکې استرداد
د پروان ولایت د ځمکو د غصب د مخنیوي تخنیکي هیئت ددغه ولایت د بګرام ولسوالۍ د خم کلان ساحې نکاح خیل او دوغ آباد ولسوالیو ته ولاړ او ۶۳.۴۲۶ جریبه ځمکه چې ۱۶ تنو غاصبینو پرې کورونه او کروندې جوړې کړي تشخیص او تثبیت کړې.
غاصبینو د یادو شویو ځمکو د ځمکې لاندې اوبو څخه ګټه پورته کړې او هم یې ځینې برخې په خلکو پلورلي دي. تخنیکي هیئت ۱۶.۷۰۶ جریبه ځمکه له ۴ تنو غاصبینو څخه استرداد کړه.
دغه راز هیئت د تصفیې جدول بشپړ کړ او د ۱۸۲۷ کادستري قطعې ختیځ سرحدات یې مشخص کړل. هیئت د کادستر ۸۶۷، ۶۲۹، ۸۶۸ او ۶۲۵ قطعې هم سروې کړې. د ٦٦٨،٦٦٩،٦٧٠،٦٧١ کادستري قطعو معلومات هم چې د سالنګ او پنجشیر سیندونو وړي او غصب شوي راټول کړل شول.
تخنیکي هیئت له مسعود ښارګوټي څخه چې زیاتې نمرې په کې غصب شوي دي، لیدنه وکړه او د ښارګوټي له استازي سره یې خبرې وکړې او له نوموړي څخه يې وغوښتل چې د غاصبینو بشپړ شهرت هیئت ته وسپاري. دغه راز هیئت دغه ښارګوټي کې د ځمکو پیرودل او پلورل بند کړل.
