له اسلامي نظام څخه د پکتیا ولایت د څمکنیو د مشرانو ملاتړ
د پکتیا ولایت د څمکنیو ولسوالۍ قومي مشرانو په یوه ناسته کې چې د ربیع الاول میاشتې په ۱ نېټه د سه شنبې په ورځ د دغه ولایت د سیمه ییزو ستونزو د حل کولو کمېسیون لخوا جوړه شوې وه، په هېواد کې د اسلامي نظام له جوړیدو خپل ملاتړ اعلام کړ.
په دغه ناسته کې چې د پکتیا ولایت د عدليې رییس هم د کمېسیون د غړي په توګه ګډون کړی و، د کمېسیون رییس او غړو، قومي مشرانو، د دین علماو، ځوانانو د شهیدانو وارثانو هم حضور درلود.
د کمېسیون غړو د کمېسیون د جوړیدو دلیل ته په اشارې سره وویل چې د یاد کمېسیون موخه د خلکو د ستونزو هوارول دي او له خلکو څخه یې وغوښتل چې خپل ستونزې په آزاده توګه له هغوی سره شریکې کړي ترڅو د حل سمه لار ورته وموندل شي.
د ستونزې له اورېدو وروسته د عدليې رییس او د کمېسیون نورو غړو، په خپلو ویناو کې د خلکو غوښتنو ته مثبت ځواب ورکړ او ژمنه یې وکړه چې د دغو غوښتنو په اړه به عملي ګامونه واخیستل شي.
