عدليې وزارت یو میاشت کې، څه د باندې ۹ مېلیونه افغانۍ عواید راټول کړي دي
د اسلامي امارت د عدليې وزارت د ۱۴۰۱ لمریز کال د وږي په میاشت کې د رسمي جریدو له پلورلو، د جوازلیکونو له صادرولو څخه د حق الامتیاز اخیستلو، د رسمي سندونو د ژباړو له تصدیق، د عریضو له حق الثبت او د معاشونو او مصارفو بېرته ګرځولو له کبله ۹ میلیونه او ۱۰۰ زره او ۹۸۷ افغانۍ عواید یوازې له مرکز څخه راټولې کړي او د اسلامي امارت خزانې ته یې تحویولې کړې دي.
د یادو عوایدو له جملې څخه ۱ مېلیون او ۴۹۰ زره او ۲۸۰ افغانۍ د رسمي جریدو له پلورلو څخه او ۴ مېلیونه او ۱۵۰ زره او ۲۰۴ افغانۍ د جوازلیکونو د صادرولو د حق الامتیاز له درکه ترلاسه شوي دي.
دغه راز ۳ مېلیونه او ۴۴۱ زره او ۷۵۰ افغانۍ د رسمي سندونو د ژباړې د تصدیق له کبله او ۱۸ زره او ۷۵۳ افغانۍ نورې د معاشونو او مصرفونو د بېرته ګرځولو له درکه راټولې شوې دي.
