زابل ولایت کې ۸۰۰ جریبه ځمکه امارتي تثبیت شوه
د زابل ولایت د ځمکې د غصب د مخنیوي د تخنیکي هیئت ناسته ددغه هیئت د رییس او غړو په حضور سره جوړه شوه. یاد هیئت، ددغه ولایت په غلام رباط ولسوالۍ کې ۸۰۰ جریبه ځمکه امارتي تثبیت کړه او اړوند مسوولینو ته یې د ساتنې په اړه لارښوونه ورکړه.
دغه هیئت، قلات ښار کې د حاجي قدرت الله کاروان سرای په اړه د مرکز کمېسیون لیک عملي شو او د شهر صفا ولسوالۍ مرکز کې د خلکو تر دعوا لاندې د ۷۷ جریبه ځمکې د تثبیت په منظور یو هیئت تعیین کړ.
په همدې حال کې، د پکتیکا ولایت د تخنیکي هیئت ناسته د یاد هیئت د رییس او غړو په حضور سره جوړه شوه او پکې د تاوکچی، کمکي قره باغ ځمکو او دوو تنو تر دعوا لاندې ځمکو په اړه بحث او خبرې وکړې او دغې برخه کې د معلوماتو راټولو په منظور یو تخنیکي هیئت وګمارل شو.
دغې ناسته کې د ځینو نورو موضوعاتو په اړه هم لازم تصمیمونه ونیول شو او د ځینو افرادو عریضې بررسي شوې او پریکړه وشوه چې راتولنکي غونډې ته یو شمېر عارض اشخاصو وغوښتل شي.
پر دې سربېره، د پکتیا ولایت تخنیکي هیئت د روحاني بابا او زرمت ولسوالي کې د دوه تحقیقاتي فارمونو سیمو څخه لیدنه وکړه.
یاد هیئت له روحاني بابا او نیک نام څیړنیز فارمونو څخه لیدنه وکړه او د یادو سیمو له قومي مشرانو سره يې د ځمکې د غصب د مخنیوي مقررې د تشریح په منظور وکتل. دغه راز هیئت دغې برخه کې دخلکو د همکارۍ غوښتونه وکړه.
یاد هیئت سیمه ییزو خلکو ته وویل چې ډیر ژر دغې سیمه کې عملي کار پیلېږي او هیچا ته اجازه نه ورکول کیږي چې پخپلسر امارتي ځمکې غصب کړي.
یاد هیئت د روحاني بابا او نیک نام څیړنیز فارمونو جي پي اس ټکي واخیستل ترڅو د غصب شوې ځمکې اندازه یې مشخصه شي. هیئت پریکړه وکړه چې راتلونکي ورځ د یادې سیمې اوسیدونکو ته استعلام ورکړل شي.
