رپه ننګرهار ولايت کې د غیرقانوني فعالیت په دلیل د معاملاتو لارښوونې د دوه دفترونو تړل کېدل
د ننګرهار ولایت د معاملاتو لارښوونې د دفترونو نظارتي کمېټې، د صفرالمظفر د مياشتې په ۲۹ مه نېټه د دوشنبې په ورځ د ياد ولایت د مرکز، جلال آباد ښار په پنځمه ناحيه کې د معاملاتو لارښوونې له ۱۱ دفترونو څخه نظارت ترسره کړ.
د دغه نظارت او بررسۍ په پایله کې، د معاملاتو لارښوونې ۲ دفترونه د غیر اصولي فعالیتونو له کبله وتړل شول او د پاتې نورو، د معاملاتو لارښوونو دفترونو متصدیانو ته د شته نيمګړتياوې د اصلاح او د کاري چارو ښهوالي په موخه لازمې توصیې وشوې.
د ننګرهار ولایت، عدلیې رياست په دوامداره توګه په یاد ولایت کې د معاملاتو لارښوونو له دفترونو څخه نظارت ترسره کوي تر څو د غير قانوني فعالیتونو مخنيوی وشي.
