د کندهار ولایت د عدليې ریاست د اداري ناستې جوړیدل
د کندهار ولایت د عدليې ریاست اداري ناسته د ربیع الاول میاشت په ۲۴ نېټه د پنجشنبې په ورځ د عدليې رییس الحاج مولوي نور اغا هاشمي په مشرۍ او د دغه ریاست د امرینو او کارکوونکو په ګډون جوړه شوه.
یاده ناسته د کلام الله مجید د څو ایاتونو په تلاوت سره پېل شوه. په دغې ناسته کې د عدليې رییس د صبر، په مصیبت کې د صبر کولو او د صبر پر اهمیت وینا وکړه او د مخکنۍ ناستې موضوعات تعقیب شول.
په دغې ناسته کې، د یاد ریاست امرینو د خپلو د کړنو راپور وړاندې کړ او په اجنډا کې د شاملو موضوعاتو لکه د زرګرانو او صرافانو د اتحاديې جوړیدل، محکمو کې د وکالت خطونو په ترتیب، د حقوقو د امریت د کارکوونکو د خدمتي دورې بشپړېدلو، ربعوار راپورونو او نورو برخو په اړه بحث او د نظرونو تبادله ترسره شوه.
