د کندهار ولایت د عدليې ریاست اداري ناسته جوړه شوه
د کندهار ولایت د عدليې ریاست اداري ناسته د ربیع الثاني میاشت په ۱۹ نېټه د یکشنبې په ورځ د عدلیې رییس الحاج مولوي نور اغا هاشمي په مشرۍ او ددغه ریاست د امرینو او کارکوونکو په ګډون سره جوړه شوه.
په دغې ناسته کې د عدلیې رییس د الهي فرایضو د اداکولو، د فرایضو د پېژندلو او د هغو اهمیت او حج کولو او د هغه اهمیت په اړه خبرې وکړې او د مخکنۍ ناستې موضوعات تعقیب شول. اړوندو امریتونو هم په دې برخه کې خپل د اجرااتو راپورونه وړاندې کړل.
دغه راز په دغې ناسته کې د یو لړ مهمو کاري موضوعاتو په اړه بحث وشو. د عدليې رییس ددغه ریاست امرینو او کارکوونکو له پاره توصیه وکړه چې له مرکز او نورو ادارو څخه ترلاسه شوي موضوعات په خپل وخت سره تعقیب او ځواب وړاندې کړي. دغه راز نوموړي د یاد ریاست کارکوونکو ته لارښوونه وکړه چې خپل دندې او مسوولیتونه په بشپړ اخلاص او صداقت او په وخت ترسره کړي.
په یاده ناسته کې ددغه ریاست امریتونو خپل ستونزې د عدلیې له رییس سره شریکې کړې چې هغوی ته د عدلیې رییس له لوري د هغوی د ستونزو د حل په اړه ډاډ ورکړل شو.
