د کندهار ولایت د عدليې ریاست اداري ناسته جوړه شوه
د کندهار ولایت د عدلیې ریاست اداري ناسته د صفرالمظفر میاشتې په ۲۵ نېټه د چهارشنبې په ورځ د دغه ولایت د عدليې رییس الحاج مولوي نورآغا هاشمي په مشرۍ جوړه شوه.
په یاده ناسته کې د دغه ریاست آمرینو، مدیرانو او مامورینو ګډون کړی وو، لومړی د تېرې ناستې موضوعات وڅېړل شول او په یاده برخه کې اړونده آمریتونو د خپل د اجراآتو راپور وړاندې کړ.
په یاده غونډه کې د امارت د قضایاو آمریت کې د تېرې ادارې د دوسیو د څېړلو، د امارتي ځمکو څخه د غصب د مخنیوي او له عامه شتمنیو څخه دفاع او ساتنې په برخه کې د اجراآتو، د معاملو د لارښوونو، د موټرپلورونکو، د اتحادیو او خیریه بنسټونو د جواز د ویش او تمدیدولو په برخه کې د لازمو اقداماتو، د حقوقو د آمریت د چارو چټکتیا او د یو شمېر نورو اړوندو برخو په اړه خبرې وشوې.
همدا راز د عدليې رییس د شریعت له مخې د لمونځ د پابندۍ او د جماعت په اړه خبرې وکړې او جماعت سره د لمونځ پر ادا کولو يې ټینګار وکړ.
