د کندهار ولایت د سرحدونو او قبایلو د چارو له رئیس سره د یاد ولایت د تخنیکي هیئت کتنه
د کندهار ولایت د ځمکو د غصب د مخنیوي تخنیکي هیئت، د ذوالقعدې د میاشتې په ۱۸ نېټه د چهارشنبې په ورځ د یاد ولایت د سرحدونو او قبایلو چارو له رئیس سره وکتل.
په دغې کتنه کې، هیئت د دامان ولسوالۍ او د کندهار پنځمې ناحیې ترمنځ د ګچ خانې ساحې د ځمکو په اړه چې د کوچیانو له خوا په خپل سر ډول تاسیسات پرې جوړ شوي دي، د سرحدونو له رئیس او د کوچیانو له ملکانو سره خبرې وکړې او د موضوع په اړه هغوی ته معلومات ورکړل.
دغه هیئت ټینګار وکړ چې یادې ځمکې امارتي دي او هیڅوک پرې د کار او تاسیساتو جوړلو حق نه لري. تخنیکي هیئت د کوچیانو استازو ته وویل چې په ساحه کې جوړ شوي تاسیسات په خپله ویجاړ کړي او هغوی هم ومنله.
په دغې کتنه کې، د کندهار ولایت د سرحدونو رئیس هم له هیئت سره د هر اړخیزې همکارۍ ژمنه وکړه.
